Childhood Rhymes

Rhymes that are popularly sung by children in India. They bring back a nostalgic feeling of the childhood.

Machhali Jal ki Rani hai,
Jivan uska paani hai,
Haath lagao darr jayegi,
Bahar nikalo mar jayegi.

 

Posham pa bhai posham pa,
Daakiye ne kya kiya,
100 rupay ki gadi churai,
50 rupay ki rabdi khai,
Ab to jail mein jana padega,
Jail ki roti khana padega,
Jail ka pani peena padega,
Thayi thuiya thush
Madari Baba fushhh.

 

Jhooth bolna paap hai,
Nadi kinare saamp hai,
Kali maai aayegi,
Tumko utha le jaegi.

Jhooth bolna paap hai,
Nadi kinare saamp hai,
Wahi tera baap hai.

 

Aaj Somvar hai,
Chuhe ko bukhar hai,
Chuha gaya Doctor ke paas,
Doctor ne lagai sui,
Chuha bola ouiiiii

 

Aalu-Kachalu beta kahan gaye the?
Bandar ki jhopdi mein so rahe the,
Bandar ne laat mari ro rahe the,
Mummy ne paise diye hass rahe the.

Aalu-Kachalu beta kahan gaye the?
Subzi ki tokri me so rahe the,
Bhindi ne laat mare ro rahe the,
Baigan ne pyar kiya hass rahe the.

 

Titlee udi, bus mein chadi,
Seat na mili, to rone lagi,
Driver bola aaja mere paas,
Titlee boli “Chal bhag badmash”

 

Chanda mama door ke,
Puye pakaye boor ke,
Aap khaye thali mein,
Hume khilaye pyali mein,
Pyali hai toot,
Munna gaya rooth,
Nai pyali layenge,
Munne ko manaenge.

 

Akkad-bakkad bambe bol,
Assi-nabbe pure sau,
Sau me laga dhaga,
Chor nikal ke bhaga.

 

Raja ki Rani soti thi,
Moti ki mala boti thi.

 

Buddhe baba buddhe baba kahan ja rahe ho?
Nadi kinare
Nadi to ye rahi
Chhoti si hai
1 paisa dalo badi ho jayegi
Ab bhi chhoti hai
1 paisa dalo aur badi ho jayegi

 

Meri roti kisne khai?
Bhalu ne
Bhalu to mere sath tha
Haathi ne
Haathi to mere sath tha
Sher ne
Sher bhi mere sath tha
Hum ne

 

Haathi Raja kahan chale?
Sund utha ke kahan chale?
Kaan hila ke kahan chale?
Mere ghar aa jao na,
Halwa puri khao na.

 

PS 1: Katti! Huh!
PS 2: This is the way text in my Hindi poem book used to be arranged.
PS 3: Read Childhood Games for more nostalgia 🙂
PS 4: Mitti! 🙂

1 thought on “Childhood Rhymes”

Leave a Reply

Your email address will not be published. Required fields are marked *